Mehnat va jtimoiy ta'minot

Pensiyamni ololmayapman, kimga murojaat qilay?

Savol: Ishdan ajralmagan holda pensiyamni 2009-yil avgustdan beri ololmayman. Muassasa rahbariga bir necha marotaba murojaat qilganimda u buxgalterning kasalligi, otasining vafot etganligi va yana bir necha sabablarni ro’kach qildi. Hozirgi kunda buxgalter bilan yuzma-yuz gaplashib, pensiyamni to’g’rilab bering desam, u ham to’g’rilayapman deydiku, lekin haligacha pensiyadan darak yo’q. Hurmatli adolat! Men qanday yo’l tutay?

Javob: O’zbekiston Respublikasi “Pensiya ta’minoti to’g’risida”gi qonuniga ko’ra, ishlab turgan pensionerlarga pensiyalar ularning ish joyida beriladi. Pensiyani tayinlovchi yoki to‘lovchi organning aybi bilan o‘z vaqtida olinmay qolgan pensiya puli o‘tgan davr uchun muddati cheklanmagan holda to‘lanadi.

Ishlaydigan pensionerlarga pensiya to’lash” tartibiga ko’ra, ishlovchi pensionerlarga pensiya Moliya Vazirligi qoshidagi nobyudjet Pensiya Fondi tomonidan to’lanadi. Ishlayotgan pensionerlarga pensiya asosiy ish joyidan tugayotgan oy uchun ish haqi bilan bir vaqtda, alohida vedomost bilan to’lanadi. Pensiyalarning o’z vaqtida va to’g’ri to’lanishiga tashkilot, muassasa, idora rahbari mas’ul hisoblanadi. Fond mablag’larining o’z vaqtida va maqsadli to’lanishi mas’uliyatini tashkilot, idora va muassasa o’z bo’yniga oladi. Yuridik shaxs rahbari va bosh hisobchisi Fond mablag’larining to’g’ri taqsimlanishi, to’lanishi va ishlatilishi yuzasidan javobgar bo’ladi.

Mazkur holat yuzasidan siz ishlayotgan muassasa rahbari va bosh buxgalterining mas’uliyatsizligidan norozi bo’lib, uchta joyga shikoyat qilishingiz mumkin:

  1. Muassasaning yuqori turuvchi organiga;
  2. Muassasa joylashgan tuman Ijtimoiy ta’minot bo’limiga;
  3. Muassasa joylashgan tuman prokuraturasiga.

Yuqorida keltirilgan shikoyat qilish manzillarining barchasiga bir paytda shikoyat qilishingiz yoki xohlagan biriga shikoyat qilishingiz ham mumkin.

O’zbekiston Respublikasi “Prokuratura to’g’risida”gi qonunining 23-moddasiga ko’ra, vazirliklar, davlat qo’mitalari, idoralar, fuqarolarning o’zini -o’zi boshqarish organlari, jamoat birlashmalari, korxonalar, muassasalar, tashkilotlar hamda vazirliklar, davlat qo’mitalari va idoralarining harbiy qismlari, harbiy tuzilmalari, hokimlar va boshqa mansabdor shaxslar tomonidan qonunlarning ijro etilishi, shuningdek, ular tomonidan qabul qilinayotgan hujjatlarning O’zbekiston Respublikasi Konstitutsiyasi va qonunlariga muvofiqligi nazorat predmeti hisoblanadi. Shunday ekan, mazkur shikoyat bilan tuman prokuraturasiga murojaat qilish mumkin. Odatda, prokuraturaga yo’llangan shikoyatga binoan prokuror shikoyatdagi masalalar yuzasidan javobgar mansabdorga qonun buzilish holatlarini darhol bartaraf qilish haqida talabnoma yuborishi munosabati bilan, prokuraturaga shikoyat qilishdan oldin muassasaning yuqori turuvchi organiga shikoyat qilish tavsiya etiladi.

Shikoyatning bir nusxasini o’zingizda saqlashni unutmang.

3 Comments

  1. 2 yoshgacha bulgan nafaqaning so’nggi 2 oylik pulini bermayapti? Sababini so’rasam Maxalla fuqoqorolar yig’ini raisi shunday dedi.
    Bank kassiri berganman deyapti dedi. Lekin undan oldinroq menga telefon qilib nafaqana pulini olib keting degandi ba’zi bir sabablarga ko’ra aytgan vaqtidan 15 20 kunlar borolmadim chunki uzoqda edim. Kelib so’rasam shu bohonani aytyapti. Lekin men vedimostga qo’l ham qo’ymaganman pul ham olmaganman. Adolat himoyachilari yordam beringizlar hurmat bilan Murodjon

    • Murodjon,

      Oldingi savolingizga yozgan javobimizda aytganimizdek, siz bu haqda yuqori turuvchi organga, ya’ni hokimiyatga shikoyat qilishingiz kerak. Bo’lib o’tgan voqealarni to’liq yozib, arizangizni hokimiyatning devonxonasiga olib borib topshiring yoki qabul kunlari hokim yoki uning o’rinbosarlari bilan uchrashib, shikoyatingizni ularga topshirishingiz yoki og’zaki aytishingiz mumkin.

      “Fuqarolarning murojaatlari to’g’risida”gi Qonunga ko’ra, shikoyatda fuqarolarning familiyasi, ismi, otasining ismi, yashash joyi to‘g‘risidagi ma’lumotlar ko‘rsatilgan, taklif, ariza yoki shikoyatning mohiyati bayon etilgan bo‘lishi lozim. Ushbu ma’lumotlar ko‘rsatilmagan murojaatlar anonim xat hisoblanadi va ko‘rib chiqilmaydi.

      Arizangizni qabul qilib olgan hokimiyat qonunda belgilangan qoidalarga to’liq rioya qilgan holda berilgan murojaatlarni ko‘rib chiqilishi shart. Murojaatlarni qabul qilishni rad etish taqiqlanadi.

      Shikoyatni tekshirish natijalari va qabul qilingan qarorning mohiyati to‘g‘risida sizga yozma tarzda ma’lum qilishlari shart.

      Ariza tushgan kundan e’tiboran 1 oy muddat ichida hal etilishi kerak. Qo‘shimcha o‘rganishlar va tekshirishni talab qilmaydigan masalalarni esa 15 kundan kechiktirmay hal etishlari shart.

      Agar hokimiyat shikoyatingizni rad etsa, ko’rib chiqilishi qonunda belgilangan muddatlardan uzrli sabablarsiz kechiksa, shikoyat natijasi haqida sizga xabar berishmasa yoki shikoyatingiz yuzasidan hokimiyat chiqargan qaror yoki ko’rgan chorasidan norozi bo’lsangiz, bo’ysunuv tartibiga ko’ra, Ichki ishlar Vazirligiga yoki to’g’ridan to’g’ri prokuratura yoki sudga shikoyat qilishingiz mumkin.

  2. Jiyancham 29-dekabrda tug’ilgan nafaqani Noyabrdan uzib tashladi. Dekabrni nafaqasi ham beriladimi