Mehnat va jtimoiy ta'minot

Pensionerni ishdan bo’shatish mumkinmi?

Savol: Onam o’rta umumta’lim maktabda direktor o’rinbosari bo’lib ishlaydi, ma’lumoti oliy, maktab bo’yicha yagona 1-toifali o’qituvchi. Ammo hamkasabalari uni siz pensionersiz, ishlashingiz “mumkin emas” deb qo’ymayapti. Onam ularga nisbatan jismonan ham, aqlan ancha ustun, malakali o’qituvchi. Men 2010-yilning 23-dekabrida matbuotda e’lon qilingan O’RQ-272-qonunida pensiya yoshidagi xodimlar uchun imkoniyatlar yaratish, ularni qo’llab-quvvatlash uchun qonunga kiritilgan o’gartirish va qo’shimchalar ana shunday ezgu maqsad uchun yo’naltirilganligini tushuntirishga harakat qilsamda, qarshilik ko’rsatishmoqda. Axir Qonunda pensionerning asossiz bo’shatilishi noqonuniy ekanligini tushunishni hohlashmayapti. Ularning esa onamni bo’shashi uchun hech qanday qonun asoslari yo’q, ko’rsatisholmayapti. Hurmatli qonun himoyachilari, bu masala bo’yicha o’zingizning yuridik maslahatingizni bizga yo’llang.

Javob: 2010-yil 22-dekabrdagi “Fuqarolarning davlat pensiya ta’minoti to’g’risida”gi O’zbekiston Respublikasi qonuniga hamda O’zbekiston Respublikasi Mehnat kodeksiga o’zgartish va qo’shimchalar kiritish haqida 271-son O’zbekiston Respublikasi qonunining  2-modda 1-qismiga ko’ra, Mehnat kodeksining 100-moddasining 2-qismiga yangi 7-band sifatida kiritilgan qo’shimcha “xodimning pensiya yoshiga to’lganligi, qonun hujjatlariga muvofiq yoshga doir davlat pensiyasini olish huquqi mavjud bo’lganda” ish beruvchining tashabbusi bilan mehnat shartnomasi bekor qilinishi mumkin.

Demak,  xodim pensiya yoshiga to’lganda, yoshga doir pensiya olish huquqi mavjud bo’lganda ish beruvchi o’z tashabbusi bilan mehnat shartnomasi bekor qilishi mumkin. Onangiz pensiya yoshiga yetganligi munosabati bilan maktab ma’muriyati (ish beruvchi) onangizni 1-toifali o’qtuvchi bo’lishiga qaramasdan, ishdan bo’shatishga haqli.

9 Comments

  1. Bu mutlaqo adolatsizlik!

  2. ADOLATSIZLIK !!!!

  3. adolatli va to’gri yo’l ularning malakasi bilimi iqtidori bo’yicha ish taqsimlanishi kerak imkon boricha ish beruvchilar ularni pensiya yoshiga yetgan yoki yetmagan xodimlar orasida imtihon,test,suhbat va turli sinovlar yo’li bilan o’z xodimlarini saralab ishni ham ularni bilimi darajasiga qarab taqsimlasa eng adolatli yo’l tutgan bo’lardi agar bilimli pensiya yoshiga yetgan xodimlardan ishini olib pensiya yoshiga yetmagan bilim malakasi past xodimga ish bersa bu eng noto’gri yo’l bo’ladi buni farqlash uchun ish beruvchi o’zi dono va bilimli bo’lishi kerak.

  4. Nimasi adolatsizlik buni? Pensiya yoshiga yetdimi, pensiyaga chiqib damini olsinda. Yoshlarga imkon berishi kerak. Respublikamizni 60 %ni yoshlar tashkil etadi. Qanchadan qancha yosh kadrlarimiz bor. Ulargayam imkon berish kerakda. Qaytanga pensioner xodimlardan yoshlarni shijoati kuchliroq bo’ladi. Kelajak yoshlarni qo’lidaku.

    • Abdu4977@mail.ru

      Sizning ishda hali malakangiz, bilimingiz past ekanligi javobingizdan ko’rinib turibdi. O’sha 60% foiz yoshlar qulog’idagi naushnikni, qo’lidagi tel-ni qo’yib kitob o’qisa bo’larmidi….

  5. Adolatsizlik emas! Insonning ham ishga yaroqlilik muddati bo’ladi. Bu muddat o’talgandan kegin nima uchun nafaqaga chiqmasligi kerak? Hamma nafaqa yoshidan kegin ham ishlashni davom ettiraversa yoshlarimiz qayerda ishlashi kerak?

  6. Iltimos forunchilar masalani o’qishda uni tahlil qilishda E’TIBORLIROQ bo’linglar bu masalada pensiya yoshiga yetganlar haqida gap ketganda avvalo pensiya yoshiga yetgan va xodimlar ichida pensiya yoshiga yetmagan xodimlarning orasida katta farq bo’lib ba’zi joylarda pensiya yoshiga yetgan xodimlar pensiya yoshiga yetmagan xodimlardan ancha bilimli malakali ish koeffisenti yuqori va zamon talablarida ishlay oladigan xodimlar juda ko’p bo’lib bu hollarda qonunimiz bunday xodimlarni ishdan bo’shatish emas ularni qo’llab-quvvatlash nazarda tutilgan aksincha ba’zi joylarda pensiya yoshiga yetib korxonaga uncha nafi tegmayotgan ish koeffisenti past ishi yaxshi natija bermayotgan xodimlar ham bor bunday xodimlar uchun ish beruvchining tashabbusi bilan va xodimning arizasiga asosan ishdan bo’shatiladi .Ammo xodimning pensiya yoshiga yetishi uni ishdan bo’shatilishiga sabab bo’la olmaydi.

  7. Huquqshunos mulohasiga 100 foiz qo’shilaman albatta bizning qonunlarimiz pensiya yoshiga yetgan xodimlarni umuman insonni kamsitishdan yiroqdir men o’sha 60 foiz yoshlar orasida pensiya yoshiga yetgan xodimlar bilimicha bilimi bor yoshlarni ko’rmayapman siz aytayotgan yorqin kelajakni bu yoshlar bilan tasavvur qilish qiyin.

  8. O’sha yoshlarini pensiya yoshiga yetgan xodimlar bilan orasida imtihon qilish kerak bizga yoshlar emas pensioner emas o’sha kelajagimiz uchun bilimi bor kerak.Ana shunda adolatli bo’ladi.