Bojxona va soliq

Kontrakt asosida o’qiydiganlar soliqdan ozod etilganmi?

Savol: O‘g‘lim ikkinchi bosqich talabasi bo‘lib, kontrakt asosida o‘qiydi. Xotinim va men shifokormiz. Soliq kodeksiga kiritilgan o‘zgarishlarga asosan, biz kontrakt to‘layotganimiz uchun daromad solig‘i bo‘yicha imtiyozga egamizmi?

Javob: O’zbekiston Respublikasi Soliq kodeksining  170-moddasida soliq solinadigan baza haqida norma belgilangan bo’lib,

“Soliq solinadigan baza jami daromaddan kelib chiqib, ushbu Kodeksning 179 va 180-moddalariga muvofiq soliq solishdan ozod qilingan daromadlar chegirilgan holda aniqlanadi”, deyilgan.

179-moddada jismoniy shaxslarning soliq solinmaydigan daromadlari ro’yxati keltirilgan. Uning 31-bandi quyidagicha ifodalanadi:

“31) fuqarolarning soliq solinadigan ish haqi va boshqa daromadlarining:

O‘zbekiston Respublikasi oliy o‘quv yurtlarida ta‘lim olish uchun (o‘zining o‘qishi yoki yigirma olti yoshga to‘lmagan farzandlarining o‘qishi uchun) yo‘naltiriladigan summalari.”

Demak, amaldagi Soliq kodeksi 179-moddasining 31-bandiga binoan jismoniy shaxslarning O‘zbekiston Respublikasi oliy o‘quv yurtlarda ta‘lim olishi uchun (o‘zining o‘qishi yoki yigirma olti yoshga to‘lmagan farzandlarning o‘qishi uchun) yo‘naltirilgan summalari hisoblangan daromadlariga soliq solinmaydi.

2 Comments

  1. Soliq faqat ota yoki onaga solinmaydimi yoki har ikkovigami?

    • Nigora, farzandining kontrakt to’lovi uchun ota-onaning har ikkisi ham o’z oylik maoshidan to’layotgan bo’lsa, demak, har ikkalasining ham kontrakt uchun to’lagan summasi soliqqa tortilmaydi. Ya’ni, jami topgan daromadidan kontrakt uchun to’langan summa ayirib tashlanadi va qolgan summaga soliq solinadi.