Fuqarolik huquqi

Aliment to’lash chet elga chiqishga to’sqinlik qiladimi?

Savolingiz: Xotinim bilan ajrashmoqchiman, ikki nafar farzandim bor. O’zim Rossiyada ishlayman. Xotinimga beradigan alimentni oldindan bir yilligini to’lasam, O’zbekistondan chiqib keta olamanmi? Taqiq qo’ymaydimi davlat? Ikki yillik bo’lsa ham to’lashga roziman. Qizim 16  yoshda, o’glim 13 da.

Javob: Oila kodeksining 145-moddasi aliment to‘lashi shart bo‘lgan shaxs chet davlatga ketayotganda aliment qanday to‘lanishi to’g’risida bo’lib, unga ko’ra, aliment to‘lashi shart bo‘lgan shaxs doimiy yashash uchun yoki uch oydan ortiq muddatga chet davlatga ketayotganida qonunga muvofiq o‘zi ta’minot berishi lozim bo‘lgan aliment oluvchilar bilan Oila Kodeksning 130—134-moddalariga asosan aliment to‘lash to‘g‘risida kelishuv tuzishi shart.

Aliment to‘lash to‘g‘risida kelishuvga erishilmagan taqdirda, manfaatdor shaxs aliment miqdorining pul bilan to‘lanadigan qat’iy summada belgilanishi va alimentni bir yo‘la to‘lash to‘g‘risida yoki aliment evaziga muayyan mol-mulkni berish yoxud alimentni boshqa usulda to‘lash to‘g‘risidagi talab bilan sudga murojaat qilishga haqli.

Sobiq xotiningiz bilan aliment to’lash usullari va miqdori haqida kelishuvga kelsangiz, bunday kelishuv notarial tasdiqdan o’tishi lozim. Chet elga chiqishda, shuningdek, OVIR vizasini olishda ushbu shartnoma nusxasini ko’rsatishingiz chet elga to’siqsiz chiqishingizga asos bo’ladi.

Agar alimentning to’lash usuli yoki miqdori haqida bir kelishuvga kela olmasangiz, bu haqda tuman fuqarolik ishlari bo’yicha sudiga alimentni bir yo’la to’lash to’g’risida ajrim chiqarib berishini so’rab murojaat qilishingiz mumkin.

Shuni eslatib o’tish joizki, aliment farzand voyaga yetguniga qadar, ya’ni 18 yoshga to’lgungacha to’lanadi.

7 Comments

  1. Нуритдинова Мохира

    Турмуш уртогимнинг аввалги оиласидан 1 нафар фарзанди борб ишламаганлиги сабабли урта иш хакининг 4/1кисмини тулайди. Хозирда бизнинг узаро 4 нафар фарзандимиз борлиги сабабли алиментни камайтиришга берган. Суд карори билан алиментни 6/1кисмини тулайдиган булди.Россияга чикиши учун алиментдан хеч кандай карзи булмаса хам,аввалдан 1 йиллигини туласа хам у аелнинг (1чи хотини) розилигисиз четга чикиш мумкин эмас экан .Келишмокчи булса турли бахоналар билан бош тортаяпди . Суд ижрочилари эса елкаларини кисиб билмаймиз дейишяпти.Илтимос тугри маслахат беринглар

    • Mohira,

      Bunday holatda aliment oladigan tomonning roziligi emas, balki aliment to’lash masalasida kelishuvning bo’lishi talab etiladi. Ya’ni, agar aliment oladigan tomon aliment beruvchi tomon bilan kelajakda aliment qanday to’lanishi bo’yicha kelishuvga erishishni xohlamayotgan bo’lsa, aliment to’lovchi odam shu masala bo’yicha sudga shikoyat qilishi kerak. Sud aliment to’lovchi chet elda bo’lgan paytda alimentni qanday to’lashi lozimligi haqida qaror chiqaradi. Aliment olivchi tomon rozi yoki rozi emasligidan qat’i nazar, shu qaror asosida eringiz xorijga chiqishi mumkin.

  2. Kurbanov Sodiqjon

    Assalomu Alekum: Hozirda men bolamga aliment to’lab g’amxo’rlik qilyapman, bola 18 yoshga to’lguncha to’layman. Agarda men ertaga keksayib pensiya yoshiga kirib qolsam, farzandim menga nafaqa to’lab g’amxo’rlik qiladimi?

  3. Турмуш уртогим бн келишолмай 1 ой аввал алиментга ариза ташлагандим лекин кейин эрим келиб бизни уйга олиб кетди хозир инок яшаяпмиз суддан алимент тулаш ижроси буйича хат келди энди нима килишимиз керак мен алиментдан воз кечсам эрим давлат божини туламайдими?

  4. SALOM Hurmatli Tashabbus,men bir uglim uchun Uzbekiston qonuni buyicha 153 ming sum aliment olaman,erim Rossiyada rusga uylanib fuqarolik olib ishlayotgan,lekin qayerda yashash ishlashini bilmayman.Men alimentni kupaytirish masadida ariza yozsam Uzbekistondan sobiq erim uz nomiga mol-mulk olmaganini alimentni kupaytirish iloji yuqligini aytishdi,Savol:Agar men Departamentga olayotgan alimentdan qoniqmaganim uchun va Javobgar men bn aliment kelishuvi, qilishini hoxlab sobiq erimni Rossiyadagi ish haqidan aliment ,,, surab(ahir qarorda yozilgan javobgarning barcha topayotgan ish haqidan biznesidan 4/1qism miqdori)sobiq erimni qidiruvga bersam buladimi?va qanchagacha qidiruvda topilib kelmasa sudga murojat qilib otalik huquqidan mahrum qilsam buladi?

  5. САЛОМ МЕНинг эрим ажрашган 1 хотинидан 1 нафар фарзанди бор мендан 2 та фарзанди бор
    Мен хам уни алиментга беришим мумкинми ва канака хужжатлар керак булади

    • Dilshod,

      Ha, siz ham eringizdan aliment olishingiz mumkin. Avvalambor eringiz bilan aliment to’lashi haqida kelishishga urining. Agar kelishuvga erishib bo’lmasa, eringiz yashab turgan joydagi tuman fuqarolik sudiga aliment undirish to’g’risida da’vo arizasi yozasiz. Arizaga ilova qiliandigan asosiy hujjatlar rasmiy nikoh guvohnomasi, agar rasmiy nikohda bo’lamgan bo’lsangiz, bolalaringizga otalikni belgilash hujjati (agar u ham bo’lmasa, suddan otalikni belgilashni ham so’rashingiz mumkin), farzandlarning tug’ilganlik haqidagi guvohnomalari.